Egileak: Lorea Mendiola, Pilar González
Lan honetan, lurzoruaren erabileraren eta joan-etorrien banaketa modalaren arteko erlazioa aztertzen da, ikuspegi dinamiko batetik, mugikortasuna kudeatzeko lurzoruaren erabilera-politiken eraginkortasuna baloratzeko. Azterketak 2001 eta 2011 hartzen ditu Bizkaiko udalerrien mailan. Erabilitako metodologia SUR ereduetan oinarritzen da, denboren arteko interdependentzia potentziala kontuan hartzen dutenak. Gainera, teknika ekonometriko espazialak aplikatzen dira emaitza alboratuak eta dependentzia espazialaren ondoriozko inferentzia ez fidagarriak saihesteko. Emaitzek adierazten dute hiri-dentsitatea gakoa dela, faktore garrantzitsu bakarra baita garraiobide guztietarako eta bi denbora-tarteetan. Ikus daitekeenez, lurzoruaren erabilera-faktoreen eta banaketa modalaren arteko erlazioa aldatu egiten da denborarekin garraio pribatuan eta bizikletaz edo oinez egiten diren joan-etorrien kasuan, eta horrek iradokitzen du ezin direla politika estatikoak aplikatu. Lurzorua erabiltzeko politiken eraginkortasuna monitorizatu behar da, aldi bakoitzeko ezaugarri espezifikoetara egokitzeko.
Banaketa modala lanerako joan-etorrietan, Bizkaia (2001-2011)