Europa osoan energia-komunitateak eta -kooperatibak sortzeak aukera ematen du energiaren helmugaren gaineko kontrol demokratiko eraginkorrago bat egiteko, oinarrizko giza beharrak asetzeko. Teilatuen potentzial fotovoltaikoa eta autokontsumo elektrikorako potentziala ezagutzeak energia-komunitate berriak sortzea errazteko gako garrantzitsuak ematen ditu. Sortutako elektrizitatea kontsumi dezaketen potentzial fotovoltaiko handiko teilatuak eta inguruko eraikinak identifikatzea da helburua.
Teilatu gaineko eguzki-potentzial fotovoltaikoa kalkulatzeko eta energia-komunitateak sortzen laguntzeko metodologia eraikitzeko oinarriak
Teilatuen potentzial fotovoltaikoa zenbatesteko hainbat metodo daude, eta Informazio Geografikoko Sistemak (GIS) dira zehatzenak eta erreproduzigarrienak, baina, eragozpen gisa, baliabide informatiko asko behar dituzte. Kode irekiko softwarea erabili da. Hauek dira beharrezko sarrera-datuak: eraikinak, azterketa-eskualdeko altuera-mapak (LiDAR mapak, Laser Imaging Detection and Ranging) eta elektrizitate-kontsumoa.
Metodologiaren funtsezko kontu bat da potentzial fotovoltaiko txikiko teilatuak kentzea, parametro egokia aukeratuz ekonomiaren edo energiaren ikuspegitik. Metodologia horrek energiaren ikuspegia hartu du. Metodologia Bilboko auzo batean (Otxarkoaga) aplikatu da, eta atariko datuak irudian agertzen dira: eraikinak sailkatu dira, energia komunitate batean sartzeko eta auzoan dagoen sistema fotovoltaiko batek sortutako elektrizitatea partekatzeko duten egokitasunaren arabera (oso egokiak gorriz).
Ikerketa hau ESEE 2022 Pisa Konferentzian aurkeztu da: https://esee2022pisa.ec.unipi.it/