Hidrogenoa trantsizio ekologikoan: teknologia, Ekonomia eta Iraunkortasuna: proposamenak eta eztabaida.

Azken hilabeteetan, masa-komunikabideetan bolo-bolo dabiltza hidrogenoaren erabilerak energia garraiatzeko eta biltegiratzeko eskaintzen dituen aukera teknikoei buruzko berriak eta iruzkinak. Askotan, panazea teknologiko berria bezala aurkezten da, aldi berean sorkuntza elektrikoaren deskarbonizazioa, erregai fosilen alternatiba eskasia eta klima-aldaketaren modalitate kezkagarrienak konponduko dituena.
Nahiz eta substantiboarekin batera hainbat koloretako adjektiboak erabili ohi diren, Interneteko bilatzaile ezagun batean “hidrogeno berdea” sartuz gero, bilaketak banku handi baten eta euskal herriko enpresa elektriko nagusiaren orrialdeetara eramango gaitu lehen postuetan. Zalantzarik gabe, negozioen munduarentzat, hidrogenoaren industriarekin eta Europar Batasunaren helburu horretarako diru-laguntzekin zerikusia duen guztiak du interesik handiena. Baina, industria-gizartearen garapenetik sortutako arazoekin eta aporiekin sentsibilizatutako sektoreen artean ere, mugimendu ekologistan adibidez, interes handia dago gai horrekiko, irtenbide posible gisa edo mehatxu gisa ikusten baita.

Zientziaren ikuspegitik, eztabaida horrek zalantza eta segurtasun falta ugari sortzen ditu oraindik, maila mediatiko, politiko eta ekonomikoan eztabaida bizkortzen den heinean. Jardunaldi honen bidez, ekopolek esparru lasai eta emankorra eskaini nahi du, hidrogenoarekin eta haren kolore-paleta guztiarekin lotutako teknologiak erabiltzeak gure garaiko arazo handietarakoen (klima-aldaketa, deskarbonizazioa, peak oil, etab.) konponbide bideragarriak bilatzean eragin ditzakeen aukerei eta mehatxuei buruz eztabaidatzeko.

Jardunaldiaren harrera:

Hidrogenoaren jardunaldien eta egoera orokorraren hastapenak:

  • “Hidrogenoaren teknologia: oinarriak, erronkak, itxaropenak”: Laura Barrio, UPV/EHU

Hidrogenoari buruzko eztabaida ekonomiko-politikoa, teknologikoa eta ingurumenekoa.

–Atsedenaldia (20 m.)–

Euskal kasua. Hidrogenoaren Euskal Korridorearen proiektua

Hizlariak

Laura Barrio

Victoria Laura Barrio Cagigal EHUko irakaslea eta ikertzailea. Ikerketaren arloan, honako hauek dira gaur egun lantzen dituen: erregai garbiak -metanoa eta hidrogenoa- eta baliabide berriztagarrietatik balio erantsi handiko produktuak lortzeko prozesu termokatalitikoak garatzea; erreakzio-sistema berritzaileak, mikroerreaktoreak eta mintzak dituzten sistemak diseinatzea, aurreko prozesuei aplikatuta, eta, bereziki, CO2 balorizatzeko; prozesuen bizi-zikloaren azterketa; produktuen ingurumen-adierazpenak. Martxan duen azken proiektua, hidrogenoa eramaile organikoen bidez biltegiratzeko sistemen garapenean oinarritzen da.

Jorge Fern谩ndez

Ikertzaile Senior eta Orkestra-Lehiakortasunerako Euskal Institutuko (Deusto Fundazioa) Energia Labeko koordinatzailea 2018ko martxoaz geroztik. Ekonomian doktorea eta M.A Georgetowneko Unibertsitatean (Washington, DC, AEB) eta Ekonomian lizentziaduna Madrilgo Unibertsitate Autonomoan. Orkestran, hainbat ikuspegitatik, trantsizio energetikoak euskal ekonomiaren lehiakortasunean duen eragina aztertzen duten proiektuak koordinatzen ditu. Iraganean, Iberian Gas Hubeko zuzendari teknikoa izan zen, Intermoney Energiako zuzendari nagusi laguntzailea (CIMD taldeko aholkularia) eta NERA Economic Consulting-eko aholkularia

Antonio Turiel:

Antonio Turiel (Le贸n, 1970) CSICeko Itsas Zientzien Institutuan ikertzaile zientifikoa da. Fisiketan lizentziatua, Matematikan lizentziatua eta Fisika teorikoan doktorea Madrilgo Unibertsitate Autonomoan. Ibilbide luzea du satelite bidezko ozeanografiaren eta zurrunbiloaren fisikaren arloan ikertzen, eta gure gizartearen iraunkortasun-arazoei buruzko dibulgazio-lan handia ere egiten du, bereziki baliabide naturalak agortzeari dagokionez. Bere blogak, The Oil Crash, 13 milioi bisita baino gehiago dituelarik, arazo horiei buruzko gaztelaniazko erreferentzia bat da.
Sagrario Monedero

Sagrario Monedero L贸pez Enpresa Administrazio eta Zuzendaritzan lizentziaduna da ICADEren eskutik eta Nazioarteko Harremanen eta Garapenaren Masterra Unibertsitate Konplutentsean. Giza eskubideen, feminismoaren eta klima-aldaketaren aurkako borrokaren inguruan garatu du bere ibilbide profesionala, Europan, Latinoamerikan eta Ekialde Ertainean. Gaur egun,Ecologistas en Acci贸n-eko Gas kanpainaren arduraduna da.

Ismael Aranda
Industria Ingeniaria EHUn. Energia-tekniken espezialitatea.
Industria-sektorean eta bizitegi-sektorean, kogenerazioan eta energia-plangintzan energia-eraginkortasuneko proiektuetan ingeniari espezializatu gisa izandako esperientzia. Prestakuntza energetikoko programa espezifikoak garatzen eta abian jartzen parte hartu du, bai eta industriako laguntza teknikoko programak garatzen ere, Estatuan eta Latinoamerikan.
IDOM, IBERESE eta EVE enpresetan lan egin du, eta gaur egun Energiaren Euskal Erakundeko Eraginkortasun Energetikoaren Arloko arduraduna da.
Elias Unzueta
El铆as Unzueta Etxeita Kimikan Doktorea da, UPV/EHU unibertsitatean. Bere ibilibide profesionala Repsol-eko Ikerkuntza eta Teknologia Zentroan hasi zuen. Ondoren, Petronor-era etorri zen non hainbat postu bete dituen: Produkzioaren planifikazio departamenduan hasita, Destilazio, Desulfurazio eta Konbertsio arloen buru, baita ere Prozesu departamenduaren buru etaEnergia Efizientziaren arduraduna izan da. 2017an Petronor Innovaci贸n sortu berriaren gerentzia hartu zuen gaur arte. Petronor Innovaci贸n- en lan-ardatz nagusiak digitalizazioa, energ铆a efizientzia eta deskarbonizazioarekin lotutako tantsizioa dira. Azken alor honetan, hidrogenoaren eta ekonomia zirkularraren paperak garatzen lanean ari dira.
Aitor Urresti
Aitor Urresti, ingeniaritza doktorea, EHUko irakasle eta ikertzailea da. Eibarren irakasten deneko Energia Berriztagarrien Ingeniaritzako Graduan irakasten du, eta Enedi ikerketa taldeko kidea da. Ikerketaren alorrean, bereziki energia termikoaren biltegiratzean lan egin du, eta azken urteetan, trantsizio energetikoaren plangintzan ere ikertzen ari da, herri mailatik.
2019tik 2021era, Balear Uharteetako Energia eta Klima Aldaketako Zuzendari Orokorra izan da, non besteak beste, Green Hysland hidrogeno berdea sortzeko proiektuaren tramitazioa koordinatu zuen administraziotik.